На денот на вториот круг од локалните избори 2025, граѓаните можат да пријават каква било повреда на избирачкото право на бесплатната телефонска линија на Народниот правобранител: 0800-54321, која ќе функционира од 07:00 до 19:00 часот.
Покрај главната канцеларија во Скопје, граѓаните ќе можат да се обратат и во подрачните канцеларии на Народниот правобранител во: Битола, Кичево, Куманово, Штип, Струмица и Тетово, со цел ефективна помош и заштита на избирачките права.
Дополнително, граѓаните можат да се јават и на следниве локални броеви:
- Тетово: 044 344-082
- Кичево: 045 228-586
- Битола: 047 242-310
- Куманово: 031 431-488
- Струмица: 034 329-996
- Штип: 032 389-700
Од канцеларијата на Омбудсманот информираат дека Народниот правобранител ќе ги штити правата на граѓаните преку преземање на итни мерки, со цел надлежните органи и институции да обезбедат ефективна заштита на загарантираните права на гласачите.
- „Избирачкото право е уставно загарантирано како еднакво, општо и непосредно, и се остварува на слободни избори со тајно гласање. Никој не смее да биде повикан на одговорност заради остварување на ова право. Повредата на слободата на определувањето и други повреди на избирачкото право се казниви дела“, посочуваат од Народниот правобранител.
Исто така, се апелира до сите чинители во изборниот процес да ги почитуваат здравствените протоколи утврдени за начинот на гласање.