Поранешниот шпански фудбалер Борха Ферер почина овој понеделник на 44-годишна возраст по тешка и долга болест, објави шпанскиот медиум „Телесинко“.
Ферер, кој е роден во Барселона на 6 февруари 1982 година, најголемиот дел од кариерата го помина во шпанските клубови Херез, Реал Мадрид, Понферада, Рајо Ваљекано, Кастелдефелс и Алкала, каде што и стави крај на професионалното играње.
Меѓу позначајните моменти во неговата кариера беше настапот за тимот на Херез, со кој во сезоната 2001/02 оствари пласман во Втората лига на Шпанија и каде што остана четири сезони.
Според информациите на „Телесинко“, поранешниот фудбалер во 2024 година беше подложен на сложена операција на мозокот, по што се бореше со последиците од болеста.
Со официјално соопштение и видео-порака се огласија од редовите на Херез.
„Херез со длабоко тага ја објавува смртта на Борха Ферер Саловера, кој беше пример за сила и отпорност во борбата против сериозна болест во последните години. Клубот сака да изрази најдлабоко сочувство до неговото семејство, пријателите и најблиските во овие тешки времиња. Нека почива во мир“, објави клубот од Кадиз.
Сочувство и соопштенија за поддршка до семејството преку социјалните мрежи упатија и од раководството на Рајо Ваљекано.