Вработен како возач во Службата за општи и заеднички работи (СОЗР) при Владата на РСМ е лишен од слобода откако бил затекнат при примање на претходно обележани парични средства, информираат денеска од Министерството за внатрешни работи.
Апсењето следувало по претходна пријава поднесена од граѓанин.
Случајот го воделе специјализираните единици на полицијата во координација со обвинителството.
„Одделот за сузбивање на организиран и сериозен криминал – Единицата за корупција при МВР постапуваше по претходно поднесена пријава од граѓанин, во координација со надлежниот јавен обвинител. Во рамки на преземените мерки и активности, Д.Ц. вработен како возач во СОЗР при Влада на РСМ, е затекнат при примање на претходно обележани парични средства, по што е лишен од слобода – посочуваат од полицијата.“
По комплетирање на сите докази, полицијата веќе поднесе кривична пријава до надлежните правосудни органи.
„По целосно документирање на случајот до надлежното јавно обвинителство поднесена е соодветна пријава“, додаваат од МВР.