Министерот Тимчо Муцунски попладнево во Скопје оствари средба со шефот на Делегацијата на Европската Унија, амбасадор Михалис Рокас.
На средбата се разговарало за европската интеграција на земјата, реформската агенда и Планот за раст за Западен Балкан, опишани како процеси и инструменти што директно влијаат врз економскиот развој и квалитетот на животот на граѓаните.Соговорниците го потврдиле заедничкиот интерес за натамошна поддршка на реформските процеси, јакнење на институционалните капацитети и доследна примена на европските вредности и стандарди.Муцунски ја истакнал јасната посветеност на Владата и уште еднаш нагласил дека полноправното членство во Европската Унија останува стратешка определба на земјата, изразувајќи задоволство од редовниот и отворен политички дијалог со ЕУ и од континуираната поддршка за реформи.Двајцата соговорници размениле мислења и за актуелните случувања на европскиот континент, регионалната стабилност и придонесот на земјата кон пошироката европска безбедност.