УХМР ги измери температурите утрово во градовите низ земјата. Според податоците, ова утро во 8 часот, мерењата покажаа дека најниска температура има на Попова Шапка и тоа 17 степени.
Според УХМР, најтопло е во Кавадарци со 28 степени.
Во Скопје ова утро во осум часот се измерени 25 степени.
Денеска времето ќе биде сончево и топло, со мала до умерена локална облачност. Ќе дува слаб до умерен ветер од северен правец. Во попладневните часови ќе има услови за изолирана нестабилност, проследена со пороен дожд и грмежи.
Минималната температура ќе се движи од 11 до 21 степен, а максималната ќе достигне меѓу 31 и 38 степени.
Во Скопје ќе преовладува сончево и топло време со мала до умерена облачност. Ќе дува слаб до умерен ветер од северен правец. Утринската температура ќе изнесува околу 19 степени, додека дневната ќе достигне до 37 степени.
Во следните денови ќе се задржи претежно сончево и топло време со мала до умерена облачност. Во попладневните часови ќе има услови за локална нестабилност, проследена со пороен дожд, грмежи и засилен ветер. Најтопло ќе биде до недела, кога дневните температури насекаде ќе бидат над 30 степени.