Програмата е направена со експерти, но и со многу граѓани. Имавме период на собирање идеи, многу граѓани ги дадоа своите идеи. Клучно што насекаде го бараат е справување со отпадот. Прво и основно е хигиената за што многу ќе се заложат сите градоначалници. Може да се види дека внимателно, правилно ставени се проекти за подобрување на оваа состојба, истакна потпретседателот на ВМРО-ДПМНЕ, Владо Мисајловски во гостувањето во Дневникот на Сител.
Мисајловски, кој говореше пред почеток на митингот на партијата во СЦ „Јане Сандански“ посочи дека во програмите на кандидатите за градоначалници има и голем прој проекти во инфраструктурата.
-Имаме чесни кадри, луѓе кои се посветени, кои се докажаа во минатите години, но и нови луѓе. Мора да се продолжи со големо темпо, да се работи и да се помога во решавање на проблемите, нагласува Мисајловски.
За кандидатот на партијата за Град Скопје, Орце Ѓорѓиевски, Мисајловски вели дека го знае долго време и знае дека е еден од највредните луѓе во партијата.
-Кога ќе се зафати со било какви проблеми, ги решава. Тоа го покажа и во Кисела Вода. Знам дека Орце секојдневно ќе работи за подобрување во секоја сфера. Решавање на депониите е првото нешто со кое ќе се зафати, како што ветува и на терен. Ветува и ново претпријатие за решавање на урбанизмот. Орце е вистинскиот избор за Скопје, истакнува Мисајловски.
Во однос на изборната кампања, порача дека како партија ќе водат позитивна кампања.