Министерот за јавна администрација, Горан Минчев, упати официјална честитка до припадниците на влашката заедница во земјава по повод 23 Мај – Меѓународниот ден на Власите.
Во своето обраќање, Минчев го потенцираше значењето на оваа заедница во градењето на заедничката држава и нејзиното историско наследство.
„Денес оддаваме почит на вековната традиција, култура и духовно наследство на влашката заедница, која претставува нераскинлив дел од општествениот и културниот живот во Република Македонија“, стои во честитката на министерот.
Тој посочи дека Власите дале огромен и суштински придонес во сите клучни општествени сфери низ годините.
„Власите со својата посветеност, труд и автентичност оставиле длабока трага во развојот на нашата држава, придонесувајќи во образованието, културата, науката, економијата и јавниот живот“, се вели во честитката.
Министерот Минчев додаде дека главна обврска на институциите и на граѓаните е заеднички да продолжат со негување на мултикултурниот дух, меѓусебната почит и еднаквите можности.
Според него, токму преку зачувување на внатрешните различности во општеството се зацврстува заедничката иднина и демократските вредности.
„Нека овој ден биде потсетник дека токму различностите не прават посилни, а заедништвото и меѓусебната почит се темел на стабилно и напредно општество“, порача на крајот Минчев.