Милошоски: Не треба да додаваме други малцинства во Уставот

Пратеникот од редовите на ВМРО-ДПМНЕ, Антонио Милошоски во вечерашното гостување во Дневникот на ТВ Сител, одговарајќи на новинарско прашање, рече дека, според него не треба да додаваме други малцинства во Уставот.

-Страв ми е да не биде предоцна, да не бидеме ставени пред свршен чин пред Бугарија. Затоа бараме заедничко учество во преговорите со официјална Софија. За отворање на Уставот, сметам дека таква обврска не треба да преземеме и не треба да додаваме други малцинства, вели Милошоски.

Инаку, Милошоски делумно бил задоволен од денешното излегување на Османи, но тој прочитал само еден реферат и како пто вели, Османи не ги објаснил официјалните документи.

-Министерот Османи треба да ги сподели официјалните документи, кои уште во декември минатата година ги доставија до Софија, бара пратеникот на ВМРО-ДПМНЕ, Антонио Милошоски.