Премиерот Христијан Мицкоски денеска од собраниската говорница најави дека новиот Закон за правична застапеност е подготвен и набргу ќе влезе во процедура. Одговарајќи на прашање од пратеникот Скендер Реџепи, Мицкоски истакна дека текстот веќе ги добил позитивните мислења од Венециската комисија, што е клучен фактор за евроинтеграциите.
Премиерот нагласи дека квалитетот на кадрот ќе биде приоритет, без разлика на етничката припадност.
„Јас сум личен гарант дека нема да дозволам никој никого да минимизира или мајоризира. Квалитетот на луѓето треба да биде клучен. Очекувам пратениците едногласно да го усвојат овој закон и да не ги загрозат европските процеси“, порача Мицкоски.