Претседателот на ВМРО-ДПМНЕ Христијан Мицкоски отиде во Брвеница и се приклучи на прославата на Јовица Илиевски кој беше реизбран за градоначалник.
-Во Брвеница останува Јовица градоначалник, вечерва не славиме против некого, славиме за Македонија. Славиме за новата енергија што ја движи државата напред, за работата, за ред, за одговорност. Секој глас што го добивме е доверба, но и обврска. Да покажеме дека чесноста и трудот победуваат, дека политиката може да има достоинствено лице, и дека Македонија може да биде пример на соживот, ред и напредок!, вели Мицкоски.
На прес-конференцијата во партиското седиште рече дека по нејзиното завршување ќе се упати во Кичево каде исто така победник беше кандидат за градоначалник од редовите на ВМРО-ДПМНЕ, Александар Јовановски.