Решителни деманти од претседателот на Владата во врска со актуелните јавни шпекулации околу иднината на пензиските столбови во државата. Премиерот Христијан Мицкоски категорично ги отфрли гласините дека извршната власт планира чекори за укинување на вториот пензиски столб или префрлање на средствата со цел покривање на буџетскиот дефицит, ставајќи точка на неофицијалните дебати.
Одговарајќи на новинарски прашања за време на прес-конференцијата, првиот човек на владата истакна дека такви решенија не се во фокусот на државните политики.
„Кој најавил дека ќе има укинување на вториот столб? Не разбирам.“
На дополнителните забелешки од медиумите дека во јавноста постои загриженост и дискусија за финансиската стабилност на фондовите, премиерот подвлече дека само официјалните ставови на Владата ја рефлектираат реалната политика на институциите.
„Јас можам да зборувам од името на Владата. Таква најава од името на Владата нема.“