Премиерот Мицкоски вели дека не е крај на светот ако некои компании се затворат, бидејќи такви се условите на пазарот. Тој денеска одговарајќи на новинарско прашање по информацијата дека две американски фирми си заминуваат од Бунарџик по што 1000 луѓе ќе останат без работа, Мицкоски вели дека тоа не е нешто што треба да не загрижува.
Ќе има компании кои што се отвораат, ќе има компании кои што се затвораат, и домашни и странски, и тоа не треба да се сфаќа Како нешто кое што претставува крај на светот. Ние како влада се обидуваме и успешни сме во тоа да привлечеме што е можно повеќе компании.
Веќе имаме неколку кои што се во процес на завршување на преговори. Очекувам до крајот на годината четири или пет такви компании веќе да потпишат договори со Владата. Така што, очекувам нови над 1000 работни места кои што би се креирале само како резултат на овие потпишувања.
Така што Апсолутно ќе се случуваат тие работи, ќе има нови компании, некои ќе се отворат, некои ќе се затвораат. Но ние како влада сме тука да работиме за интересот на граѓаните и државата, и убеден сум дека со поддршката која што ја даваме сме конкурентни, или би рекол дека сме едни од најконкурентните Во Европа, и тоа го покажуваме и со бројки, и тоа го покажуваме со дела.
Впрочем, еден од тие такви докази е и оваа инвестиција која што следната година ќе ја прави Костал, сепак 30 милиони евра, нови до 200 работни места. Цел е да имаме извоз над 300 милиони евра Претставува навистина нешто импресивно и јас им честитам на тоа.
А ние како влада сѐ ќе направиме за да уште повеќе привлечеме инвестиции од Костал и од друг тип на компании. – рече Мицкоски