адата, порача премиерот Христијан Мицкоски, посочувајќи дека инфраструктурното, енергетското и гасното поврзување треба да ја позиционираат Македонија како регионален центар.
„Овие коридори 8 и 10 се стратешки за Македонија како држава од многу аспекти и токму затоа тоа претставува наш најголем приоритет. Изградбата на автопатот, изградбата и модернизацијата на пругата на Коридорот 10, како и енергетското поврзување преку далеководи се дел од таа агенда“, изјави Мицкоски.
Тој посочи дека е рестартиран далеководот кон Албанија, дека интензивно се гради гасоводот со Грција, а најави дека оваа недела ќе биде објавен и тендерот за гасоводот кон Србија.
„Кога сето ова глобално ќе биде завршено, тогаш веќе можеме да кажеме дека сме навистина регионален хаб и дека оттука понатаму ќе се поврзуваат Северна со Јужна Европа, Централна Европа со Медитеранот, Јадранското и Јонското Море со Црното Море“, рече премиерот.
Мицкоски очекува наскоро да биде пуштен и делот од автопатот што ги поврзува Кичево и Охрид, а во првата половина од следната година да биде завршен и гасоводот со Грција.
„Сето ова претставува амбициозна агенда, но нашиот фокус е сериозен. Нашата оптика е силно вперена во овие проекти и така ќе продолжиме и во периодот што следи“, порача Мицкоски.