Вкупно 120 нови возила се набавени за потребите на униформираната полиција, информираше премиерот Христијан Мицкоски преку својот Фејсбук профил.
Тој упати благодарност до вработените и раководството на МВР, но испрати и специфична порака по повод новата набавка – желба возила да „седат во гаража“ што е можно повеќе, бидејќи тоа би значело дека нема криминал.
„Им се заблагодарам на сите вработени, на министерот, на сите оние коишто го водат Министерството… и да посакаме што помалку да се користат, тоа значи дека ќе има што помалку криминал и криминалци“, напиша Мицкоски.
