Премиерот Христијан Мицкоски денеска ќе изврши увид во градежните активности поврзани со реализацијата на проектот Градски воз, соопштија од Владата.
Проектот веќе навлегува во фаза на работа, откако е потпишан договор за Линија 1.
Линијата 1 ќе ги поврзува населените места: Зелениково – Драчево – Лисиче – Кисела Вода – Аеродором – Железничка станица Скопје.
Вкупната вредност на потпишаниот договор изнесува 360 милиони денари.
Во рамките на овој проект, ќе се реализира целосна реконструкција и надградба на постоечката траса. Целта е да се подобри јавниот превоз и поврзаноста во скопскиот регион.