Премиерот Христијан Мицкоски оцени дека денес во Македонија се живее подобро отколку пред три години и најави дека Владата ќе продолжи со политики насочени кон подобрување на животниот стандард.
Коментирајќи ги критиките од опозицијата, Мицкоски рече дека дел од нивните тврдења се „целосна невистина и неаргументирани изјави“.
„Колку и да сакаат да го оцрнат тоа што денес оваа Влада го работи, ќе мора сите да се сложиме дека денеска многу подобро се живее од тоа што беше пред три години“, изјави Мицкоски.
Тој додаде дека Владата е мотивирана да испорачува резултати што граѓаните можат директно да ги почувствуваат преку подобар стандард и услови за живот.
„Јас ви ветувам дека за три години од денеска ќе се живее многу подобро од денес и тоа е наша цел како Влада“, порача премиерот.
Мицкоски призна дека состојбата не е идеална и дека во работењето има и грешки, но оцени дека правецот во кој се движи државата е значително подобар во однос на периодот од пред неколку години.