Премиерот Христијан Мицкоски и министерот за култура и туризам, Зоран Љутков, денеска ќе извршат посета на објектот на Универзалната сала. Како што е најавено, тие официјално ќе го означат продолжувањето на градежните активности за реконструкција на ова значајно здание во Скопје.
Во рамки на посетата, предвидено е да биде презентиран и проектот за реконструкција на салата, како и обиколка на градилиштето. По завршување на увидот, во 11:10 часот, предвидени се изјави за медиумите.