Премиерот Христијан Мицкоски упати честитка и благодарност до припадниците на Армијата, истакнувајќи ја нивната посветеност, одговорност и професионализам во извршувањето на задачите во служба на државата и граѓаните.
Преку објава на својот профил на „Фејсбук“, Мицкоски посочи дека улогата на Армијата е од суштинско значење за безбедноста и стабилноста.
Армијата е многу повеќе од униформа. Таа е чест, одговорност, дисциплина и посветеност. Таа е силата што стои зад безбедноста на државата и луѓето што живеат во неа – напиша премиерот.
Тој им оддаде признание на сите активни припадници на Армијата, старешини и службени лица, кои со достоинство и одговорност ја извршуваат својата мисија во интерес на државата.