-СДСМ БЛОКИРА ЗАКОНИ ОД РЕФОРМСКА АГЕНДА.
Нема да дозволиме да се закочат реформските закони што значат напредок на државата и исполнување на обврските побарани од Европската комисија – токму оние реформи што вие не успеавте да ги реализирате изминатите седум години.
СО ВАША ОПСТРУКЦИЈА ИЛИ БЕЗ НЕА, ОВИЕ ЗАКОНИ ЌЕ БИДАТ ДОНЕСЕНИ! МАКЕДОНИЈА ПОВЕЌЕ НЕМА ДА БИДЕ ЗАЛОЖНИК НА ВАШИТЕ ПОЛИТИЧКИ БЛОКАДИ И НЕСПОСОБНОСТ!
Во моментот е 22:10 часот, а пратеничките групи на СДС и ДУИ, кои ја понижија државата и ја доведоа до најниско можно ниво, повторно работат спротивно на интересите на граѓаните и на Македонија.
Со нивните постапки ги блокираат реформските закони од суштинско значење – законите за основното и средното образование, како и Законот за безбедност на сообраќајот на патиштата.
Наместо да овозможат усвојување на решенија што ќе го унапредат образовниот систем и ќе ја зголемат безбедноста на сите учесници во сообраќајот, тие повторно избираат политичка блокада на штета на граѓаните.
Ние остануваме во Собранието онолку долго колку што е потребно, затоа што нашата обврска е кон граѓаните, а не кон дневнополитичките пресметки.
Ќе направиме сѐ овие законски решенија да бидат донесени, бидејќи тие носат конкретни придобивки и подобар квалитет на живот за сите. Македонија нема време за блокади – време е за работа, реформи и резултати. Интересот на граѓаните секогаш ќе биде над партиските интереси, а иднината на државата ќе ја градиме со дела, а не со опструкции, пишува Мицевски во својата објава.