„По однос на законот којшто е предложен од страна на Левица, односно Изборниот законик, поради јавноста треба да потврдиме дека се работи за законско решение од 2021 година во период кога пратеници беа и Апасиев и Крмов. Од тогаш нема измени на ова законско решение, инаку се работи за беспредметен закон во овој момент, самиот текст во законот вели дека се работи за закон којшто се однесува на актот определен за денот на изборите а тоа е 19 Октомври 2025 година“, истакна Никола Мицевски координатор на пратеничка група и пратеник на ВМРО-ДПМНЕ на денешната седница во Собранието.
Пратеникот исто така посочи дека немало цензура за Левица на овие избори, затоа што во повеќе обиди за промена на Изборниот закон не учествувале пратениците од Левица.
„И да рековме дека ќе учествуваме сите во работно тело, работна група, меѓутоа да учествуваме во беспредметен закон, којшто во самиот вовед напишан од нив се однесува за избори коишто се завршени, и да не убедуваат дека на тоа треба да пристапиме со амандмански измени, нема да дадеме никаква поддршка, затоа што навистина треба да седнеме, консензуално со сите забелешки коишто ги имаат сите политички субјекти, да ги направиме сите измени коишто се бараат. Немаше никаква цензура на Левица на овие избори, затоа што обид за промена на Изборниот законик имавме два пати во претходниот мандат, на сите тие настани не учествуваа пратениците од Левица, ниту побараа било каква измена“, додаде Мицевски.