Светските долгорочни прогнози предвидуваат дека претстојната зима ќе биде значително постудена и со пообилни врнежи од снег, како резултат на нарушувањето на глобалниот метеоролошки систем.
Експертите предупредуваат дека најголемо влијание ќе има колапсот на поларниот вртлог – огромниот ротирачки „ѕид“ од ладен воздух над половите.
Светските метеоролошки центри најавуваат драстичен пресврт и потенцијално најстудена зима, со повеќе снег и температури кои на планините би можеле да паднат до -12°C. За разлика од претходните години, експертите предупредуваат дека Европа треба да заборави на благата зима.
Се очекува ненадејно затоплување на стратосферата и силен „антивртлог“ (област со висок притисок) кој ќе го деформира поларниот вртлог.
Студениот поларен воздух нема да може да биде задржан и ќе навлезе кон средните географски широчини (Европа и САД).
- Декември: Прогнозите за Европа покажуваат постуден почеток на зимата, особено во северните и централните делови. Се очекува ветувачка количина на снежна покривка на целиот континент.
- Јануари: Студениот бран ќе продолжи, со нагласено ладење во северните и централно-северните делови на Европа.
Метеоролозите предупредуваат дека ваквиот развој на настаните може да донесе зимски услови слични на оние од 1980-тите.