Според моменталната долгорочна прогноза, септември ќе почне со сончево и многу топло време, со дневни температури од 32 до 38 степени. Во првата половина од месецот ќе преовладува стабилно и суво време, а најтопло се очекува да биде околу 6 и 7 септември, кога максималната температура ќе достигне до 38 степени.
Од средината на месецот се очекува постепено намалување на температурите. Во периодот од 13 до 19 септември дневните вредности ќе се движат меѓу 24 и 31 степен, со повеќе облачност, а околу 19 септември има услови и за врнежи од дожд.
Во последната третина од месецот времето повторно ќе биде претежно стабилно, со сончеви периоди и дневни температури меѓу 24 и 27 степени. Утринските температури ќе бидат значително пониски и при крајот на септември ќе се спуштаат меѓу 8 и 13 степени, што ќе донесе посвежо есенско утро.