Според последните мерења на Управата за хидрометеоролошки работи (УХМР), во 13 часот највисока температура е регистрирана во Демир Капија, каде се измерени 13.3 степени Целзиусови. Веднаш зад неа е Гевгелија со 13.2 степени, додека во Велес живата во термометарот се искачи до 12.9 степени.
Во главниот град Скопје, односно на мерната станица Петровец, измерени се 12.1 степен, исто колку и во Кавадарци. Слични температури се забележани и во Струмица (11.9) и Штип (11.8).
Од друга страна, зимата сè уште не попушта на планините. Најниска температура е измерена на Попова Шапка, каде се регистрирани -2.6 степени. Под нулата е и во Маврови Анови со 0.6 степени, додека во Крушево е измерена температура од 2.2 степени Целзиусови.