ВМРО-ДПМНЕ упати сериозни обвинувања до опозициските партии СДС и Левица дека дејствуваат синхронизирано со цел да го кочат и блокираат донесувањето на новиот Изборен законик. На прес-конференција беше посочено дека опозицијата поднела десетици илјади амандмани за решение кое претходно со месеци се усогласувало меѓу партите.
Портпаролот на владејачката партија, Валентин Манасиевски, изјави дека блокадите доаѓаат како резултат на ниската доверба на опозицијата и стравот од нов изборен пораз.
ВМРО-ДПМНЕ тврди дека СДС се противи на електронското гласање за иселениците бидејќи токму тие граѓани ја напуштиле земјата поради лошото менаџирање во минатото, додека за Левица велат дека јавно глуми отпор, иако зад сцената прифатила поголемо партиско финансирање за кампањи.
Партискиот портпарол посочи дека наместо конструктивност за реформските цели и Планот за раст, опозициските лидери избираат опструкција.
„СДС и Левица, предводени од Венко Заев и Апасиев, настапуваат синхронизирано во обидот да го блокираат донесувањето на новиот Изборен законик. Со поднесување на десетици илјади амандмани тие го кочат законското решение кое со месеци беше усогласувано со учество на сите политички партии. Стравот од уште поголем пораз на Венко Заев и СДС, ги притисна да се противат на електронско гласање на дијаспората, затоа што токму тие луѓе заминаа од државата поради нивното катастрофално раководење со Македонија. Свесни за исходот, одат против носење на нов Изборен законик – истакна на прес-конференција портпаролот на ВМРО-ДПМНЕ Валентин Манасиевски.“
Од партијата порачуваат дека нивен приоритет останува носењето на квалитетни реформи и обезбедувањето на еднакво избирачко право за сите граѓани во државата и во дијаспората.