ВМРО-ДПМНЕ денеска упати тешки обвинувања до опозициската СДСМ, барајќи одговори за финансиските текови на парите од озлогласената афера „Рекет“. Валентин Манасиевски, член на ЦК на партијата, јавно запраша дали еден и пол милион евра од овие пари завршиле кај Зоран Башановиќ, кој сега се јавува како главен стратег за односи со јавноста на партијата предводена од Венко Филипче.
Манасиевски се повикува на информации од српски медиуми и инкриминирачки разговори во кои Башановиќ наводно најавувал дека „дошло време да се наплати“.
„Башановиќ, кој е куќен пријател на Заев, сега е шеф на центарот за лаги на СДС. Српските медиуми одамна го поврзуваат со ’Рекет’, а постојат индиции дека токму тој инкасирал милионска сума за да биде ’полн како брод’. СДС мора да одговори за овие валкани пари“, изјави Манасиевски.