Малолетник бил физички нападнат од неколку други малолетници на автобуска постојка во скопската општина Карпош.
Случајот бил пријавен на 13 октомври во 19 часот во СВР Скопје од 52-годишен скопјанец, татко на нападнатото момче. Според пријавата, нападот се случил истиот ден околу 13:15 часот.
Од полицијата информираат дека се преземаат мерки за расчистување на случајот.