Макрон: Тарифите на Трамп се брутални, неосновани и шокантни

Францускиот претседател Емануел Макрон денеска изјави дека тарифите што ги објави американскиот претседател Доналд Трамп се „брутални и неосновани“ и претставуваат шок за меѓународната трговија.

Макрон рече дека Европа мора да одговори на овие мерки поединечно во секој индустриски сектор, пренесува Ројтерс.

Говорејќи за време на состанокот со претставниците на француската индустрија, Макрон додаде дека одговорот на реципрочните царини ќе биде „помасовен“ од одмаздничките мерки на американските царини за челик и алуминиум.

Макрон денеска ги повика француските компании кои работат во Соединетите Држави да ги прекинат сите нивни инвестициски проекти во таа земја додека не се објават масовните тарифи на Доналд Трамп за зголемување на царината од Европската унија.

„Она што е важно е дека идните или најавените инвестициски проекти во последните неколку недели се привремено суспендирани додека не ги разјасниме работите со Соединетите Држави“, рече францускиот претседател за време на состанокот со претставниците на француските индустриски сектори кои се најпогодени од најавените американски царини, пренесе БФМ ТВ.