Ружица Милошеска Брчиоска, македонската пејачка од групата “Ареа„ се огласи на социјалната мрежа Фејсбук, за загадената вода во Гостивар.
ФОТО: Ружица, Фејсбук, Приватна Архива
Македонската поп-рок пејачка и членка на групата “Ареа„ која и самата е од Гостивар, праша што ќе се случи со пластичните шишиња во кои се носи вода.
-Чистата вода што се дистрибуира до гостиварчани е добредојдена, поточно само со неа деновиве функционираме, но што ќе се случи со илјадниците празни пластични шишиња што сега се собираат во домаќинствата и кои по завршување на кризата со загаденава вода (посакувам што побрзо да заврши) ќе се расфрлаат насекаде?
Би требало уште сега да се спроведе акција за собирање на пластика на одредени пунктови, зашто многу лесно, знаејќи си ја културата, шишињата може да се најдат во Вардар и да предизвикаме ново загадување на животната средина.
Дали општината има некаков план за ова, а ако не тогаш еколози ајде вклучете се, предлагајте!, напиша таа на Фејсбук.
Таа и претходно иронично се огласи за кризата во Гостивар.
-Гостивар топ тема сме,
Еднаш и ние да сме центар на внимание, заслужено, браво. Вакво решение за зголемување на притисокот во градскиот водовод на секого не може да му текне. Мене да си признаам дури ни на сон не би ми текнало.
А плус си имаме гостиварски вирус што само тука си вирее, а се добива од гостиварската храна и од високите летни гостиварски температури што ги нема на друго место. Па така цел град е со симптоми на овој Гв вирус кој не може да се прошири во ниту едно друго место.
Нека ни е со помин, напиша пејачката.