Денеска, на паркингот пред Спортскиот центар „Борис Трајковски“ во Скопје, ќе се одржи свечена промоција на 100 нови возила наменети за потребите на АД „Пошти на Северна Македонија“. Оваа набавка се смета за значаен чекор кон модернизација на претпријатието и подобрување на поштенските услуги за граѓаните.
На настанот ќе присуствува претседателот на Владата, Христијан Мицкоски, кој по официјалната промоција ќе има свое обраќање до присутните, а предвидена е и изјава за медиумите на која се очекуваат детали за инвестицијата и плановите за ревитализација на Пошта.