Метеоролозите предвидуваат блага и пријатна есен, со температури над просекот за целиот регион. Се очекуваат и помалку врнежи, иако се можни кратки периоди со обилни дождови. Според српските метеоролози, првите снежни врнежи на планините се очекуваат веќе во четврток, 10-ти.
Според прогнозите на „Severe Weather Europe“ и Европскиот центар за среднорочни временски прогнози (ECMVF), Европа ќе има подпросечни врнежи од снег оваа зима.
Сепак, прогнозите покажуваат дека централниот Балкан (вклучувајќи ги Србија, Северна Македонија, Босна и Херцеговина, Црна Гора и Албанија) ќе биде меѓу ретките делови на континентот каде што се очекуваат повеќе снежни врнежи.
Домашните метеоролози предвидуваат дека веќе кон крајот на септември ќе има продор на студен воздух од Северниот Леден Океан, што ќе донесе постудени временски услови. Ова би можело да значи дека првиот снег ќе падне веќе во ноември. Зимата се очекува да биде малку постудена во споредба со претходните години.