Сотир Лукровски, кандидат за градоначалник на општина Карпош од ВМРО-ДПМНЕ во гостување на „Заспиј ако можеш“ на ТВ Алфа истакна дека огромен проблем се пожарите во изминатите денови како пожарот во Вардариште и во Трубарево а токму палењето на еден по друг пожар во таков мал интервал е премногу коинцидентно, се наведува во соопштението од ВМРО-ДПМНЕ, што МИА го пренесува интегрално.
„Имаме проблеми морам да кажам и со ова што ни се случува деновиве во Вардариште, Трубарево беше тема во изминатите денови по сите телевизии, јас сакам јавно да им се заблагодарам, дел од оние пожарникари меѓу кои и командирот го познавам лично, сакам да изразам огромна благодарност на луѓето кои деновиве се справуваа, таму со огнот кој јас одговорно тврдам е инициран, да не кажам запален“ истакна Лукровски и додаде:
„Факт е дека во таков интервал како едниот гасне другиот ни се пали, премногу е коинциденција. И јас имам пријател и во Аеродром и јас имам пријатели во Лисиче мене ми праќаат секојдневно пораки, слики да видиме што е, јас не можам да разберам дека некој може тоа да му го прави на својот народ. Мојот ум не размислува така. И сега се сликаме со чадови се сликаме со огнови, ние сме се собрале правиме планови, сме се сликале, ни додаваат чад позади. Па изгинаа тие луѓе таму. Јас знам колку време поминуваат нашите градоначалници таму да не ги именувам сите поединечно, на ѓубриштето запалено и што дишат“ кажа Лукровски.
Лукровски кажа дека е револтиран и како човек и како татко од потпалувањето на пожарите и посочи дека и на територија на Карпош има диви депонии кои под итно треба да се решат и да се пронајдат луѓето кои палат гуми и соодветно да одговараат.
„Револтиран сум како човек како татко, децата си ги труеме, се осеќа до кај нас до Карпош 4, не ми е јасно, но да се навратам дека тоа може да биде случај и кај нас. Имаме пар депонии во делот на Лепенец, дива депонија која е детектирана која ќе треба да под итно да ја средиме. Тоа е во делот на Злокуќани. Не можам да кажам дека не се знаат. Таму се знаат оние кои го предизвикуваат проблемот, палат гума. Ние треба прво од социјален аспект да ги видиме тие луѓе. Да видиме што ги тера на тоа, можеме ли ние некако на тие луѓе да им помогнеме. Да и дадеме субвенции за гориво, дрво, да пробаме да им помогнеме да видиме што ги доведува до таа ситуација а после секако треба во рамки на законот да делуваме. Дали ќе биде во соработка со МВР со нашите инспекциски служби, меѓутоа не можеме да дозволиме ние таму да планираме да го развиваме Карпош. Не може квалитетот на живот преку Вардар толку да се разликува, и тука да бидеме јасни дека јас ќе бидам таму заедно со граѓаните и тоа што треба да го правиме ќе го правиме“ нагласи Лукровски.