Поминаа 18 месеци од трагедијата во дискотеката „Пулс“ во која загинаа 63 млади, а 193 лица беа повредени, а правдата сè уште изостанува, обвини на денешната прес-конференција портпаролката и членка на ИО на СДСМ, Богданка Кузеска.
Според партијата, судството е под целосна контрола на премиерот Христијан Мицкоски, кој, како што велат, ги штити своите кадри и влијае врз институциите. СДСМ тврди дека наместо брза и неселективна одговорност, процесите се одолговлекуваат, а лица поврзани со случајот се ослободуваат.
Од опозициската партија потсетуваат на ветувањето на Мицкоски дека ќе се повлече од политиката ако обезбедувањето во „Пулс“ се поврзе со ВМРО, оценувајќи го тоа како неисполнето ветување.
СДСМ бара целосна, неселективна и вистинска одговорност за секој што дозволил или прикривал незаконско работење во дискотеката, нагласувајќи дека жртвите и семејствата се оставени без одговори.