Првичните резултати од парламентарните избори во Косово покажуваат нова победа на движењето „Самоопределување“ на актуелниот премиер Албин Курти.
Според првите пребројани гласови, партијата на Курти успеа да освои околу 42,3 проценти од гласовите на гласачите.
На второто место, според изборните резултати, се најде Демократската партија на Косово со освоени околу 21,6 проценти, додека Демократската лига на Косово освои приближно 17,3 проценти од гласовите.
И покрај убедливата победа на терен, овој изборен резултат сепак не му обезбедува на Курти доволен број пратеници за самостојно формирање на идната влада. Поради ова, во наредниот период во Приштина се очекуваат интензивни коалициски преговори.
Инаку, ова беа трети парламентарни избори во Косово во последните 18 месеци, што сведочи за динамичниот политички процес кај нашиот сосед.