Шест лица се повредени во физичка пресметка меѓу жители на струмичкото село Баница, од кои четворица се здобиле со тешки телесни повреди, информираат од полицијата.
Инцидентот се случил на 11 октомври, околу 22:30 часот, во дворот на куќа во селото. Во пресметката учествувале две лица од едната страна и шест лица од другата, при што меѓусебно се нападнале со различни предмети и си нанеле повреди по главата и телото.
Повредените биле пренесени во Медицинскиот центар во Струмица, каде што кај четворица од нив биле констатирани тешки телесни повреди.
Предметите употребени во пресметката биле пронајдени и одземени. За случајот е известен јавен обвинител, а полицијата презема мерки за утврдување на сите околности и целосно расчистување на инцидентот.