Кристи Пајк, која ја преживеа смртната казна во САД, сега е „свесна и зборува“, велат нејзините адвокати.
Педесетгодишната Пајк останува во итна медицинска нега во болницата и како што информираат нејзините адвокати таа е „врзана со лисици и окови за креветот“.
Пајк, која беше осудена на смрт заради убиство на Колин Слемер заедно со нејзиното тогашно момче во 1995 година, преживеа два неуспешни обиди за погубување со смртоносна инјекција минатата среда во Тенеси.
По што беше пренесена во болница, каде што со денови беше во несвест, а лекарите го чистеше нејзиното тело од инјектираната смртоносна хемикалија.
Експертите и нејзиниот правен тим велат дека нејзиното очигледно закрепнување е без преседан.
Се верува дека Пајк е единствената личност што преживеала смртоносна инјекција.
Нејзините адвокати изјавија дека прогнозата останува неизвесна, но дека „во најмала рака, очекуваме долго закрепнување“.
Дебора Дено, криминолог и професор на Правниот факултет „Фордам“, во изјава за Би-Би-Си вели дека е „апсолутно вчудоневидена“ што Пајк е свесна и зборува.
Имало седум други случаи во кои затвореници преживеале погубувања, но во тие случаи, извршителите не успеале да инјектираат ништо во вените на затворениците, изјави Дено.Кристи Пајк се освести и почна да зборува – единствената личност во САД која преживеа смртна казна