Едно лице им подлегна на повредите здобиени при уривање на кран на градилиште во Болничкиот округ во Приштина.
Првично беа пријавени две повредени лица во инцидентот, но за едното од нив повредите биле кобни.
Случајот го потврди портпаролот на полицијата за регионот на Приштина, Енис Пљана.
„Во врска со овој случај, би сакале да ве информираме дека две лица се здобиле со телесни повреди и се испратени на лекарска помош. Поради здобиените повреди, едно од нив не преживеало и починало. Неговата смрт ја потврди медицинскиот тим на УЦКК“, рече Пљана.
Тој изјави дека полициските екипи веднаш излегле на терен и ги презеле сите потребни мерки.
„Во моментов, надлежните полициски единици, во координација со државниот обвинител, започнаа истрага за целосно расветлување на околностите на случајот“, додаде Пљана.
Истрагата за утврдување на причините кои довеле до падот на кранот е во тек.