Грчката полиција со поддршка на албанските власти уапси осум лица поврзани со криминална организација која краделе облека од продавници во Атина и ја препродавале во Тирана. Меѓу уапсените се 54-годишна странска државјанка, водач и координатор на групата, двајца членови на нејзиното семејство и уште пет лица, по кои се трага. Возраста на уапсените се движи од 33 до 63 години.
Полицијата запленила голема количина украдена облека и 71.420 евра. Организацијата користела девет возила за извршување на кражбите, а дел од операцијата била паралелна во поширокиот регион на Атика и во Тирана.
Според истрагата, криминалната група била составена од две подгрупи:
- Првата, базирана во Грција, била задолжена за кражбите. Водачката на групата, заедно со членовите на семејството, организирала испраќање на украдената облека со автобуси до Тирана.
- Втората група во Албанија била задолжена за прием и продажба на облеката во локална продавница, а често објавувале и реклами на социјалните мрежи за да привлечат купувачи.
Полицијата продолжува со истрагата и се трага по уште четири лица поврзани со криминалната организација.