На народниот митинг на ВМРО-ДПМНЕ и коалицијата во општина Зелениково се обрати Драган Ковачки член на Извршен Комитет на ВМРО-ДПМНЕ и носител на листа во изборна единица 3 на парламентарните избори.
-Денеска сме тука за да дадеме поддршка и да кажеме дека Зелениково продолжува да чекори напред и дека нема враќање назад. Ова е место кое постојано се развива и се менува на подобро. Локалната самоуправа е двигател на развој, таа е најблиску до вас граѓаните, во вашето маало, во вашето училиште, на улица. Зелениково во изминатите 4 години и покрај опструкциите од владите на ДУИ и на СДС, сепак направи исчекор, рече Ковачки.
Тој додаде дека денес улиците се обновени и поврзани, се инвестира и за помладите и за повозрасните генерации. Поддршката кон локалните бизниси е видлива.
-Главна одлика на градоначалникот Коста Маневски е неговата посветеност и постојано присуство помеѓу луѓето. Тој не гледа од страна или од високо, секојдневно е на терен разговарајќи со граѓаните, слушсјќи ги нивните проблеми и носејчи практични решенија, раче Ковачки.