Општина Конче продолжува со реализација на проекти насочени кон подобрување на инфраструктурата и условите за живот на жителите.
Во изминатиот период се работело на подобрување на водоснабдувањето и канализацијата, уредување на патишта и јавни површини, како и набавка на нова механизација и противпожарна опрема.
Уредени се околу 2.500 квадратни метри нови јавни површини, со што вкупната површина на уредени јавни простори во општината достигна околу 15.000 квадратни метри.
Општината продолжува и со мерки за поддршка на семејствата, новороденчињата, младите и повозрасните граѓани. Воедно, обезбедена е и бесплатна градинка за сите деца.
Преку „Форумот на заедницата“ е набавен камион кипер со дополнителна опрема за чистење снег. Возилото ќе се користи и за одржување на полските патишта, расчистување на речни корита и диви депонии, како и за зимско одржување на локалната патна мрежа.
Во општината се реализираат активности и во областа на спортот и културата, а воспоставени се и партнерства со општини од Хрватска, Италија и Турција.
Од Општина Конче најавуваат продолжување на проектите со цел подобрување на локалната инфраструктура и јавните услуги.