Во организација на Министерството за здравство и Фондот за здравствено осигурување, денеска во Владата ќе се одржи работилница посветена на унапредување на управувањето со боледувањата во Македонија.
На настанот ќе присуствува и министерот за здравство Сашо Клековски, кој е предвидено да има воведно обраќање.
Во рамки на работилницата ќе бидат презентирани податоци за состојбата со боледувањата во земјава, предизвиците со кои се соочува системот, европските политики и искуства за подобрување на управувањето со боледувањата, како и примерите од Словенија.
Ќе се разговара и за можните решенија и мерки за зајакнување на системот за управување со боледувањата.