Поради планирани технички зафати на електродистрибутивната мрежа, денеска без електрична енергија привремено ќе останат корисници во повеќе населени места и општини во скопскиот регион, информираат од ЕВН Македонија.
Според најавениот распоред, од 8:00 до 12:00 часот без струја ќе биде дел од селото Сарај, на главната улица во близина на маркетот „ЕР Грос“ во Општина Сарај.
Од 9:00 до 10:30 часот прекин во снабдувањето ќе има во селата Држилово, Патишка Река, Елово, Црн Врв, Осинчани, Јаболци, Нова Брезница и Малчиште, како и во викенд-населбите Јаболци и Држилово на подрачјето на Општина Сопиште.
Во периодот од 9:00 до 15:00 часот без електрична енергија ќе останат и корисниците на улиците 11 и 3 во населбата Кадино, Општина Петровец.
Од 10:30 до 12:00 часот прекин е најавен за селата Света Петка, Чифлик, Говрлево, Виничиште, Добри Дол, Ракотинци, Горно Соње, Долно Соње и дел од Сопиште.
Дополнително, од 12:00 до 13:30 часот без струја ќе бидат жителите на Добри Дол, Ракотинци, Маркова Сушица, Варвара, Маркова Река, дел од Сопиште и дел од Батинци.
Од ЕВН Македонија апелираат граѓаните навремено да ги организираат своите активности и обврски во периодот на најавените прекини, додека по завршувањето на работите снабдувањето со електрична енергија ќе биде нормализирано.