Дел од жителите во општините Карпош, Ѓорче Петров и Кисела Вода денеска привремено ќе останат без електрична енергија, информираат од Центарот за управување со кризи (ЦУК), врз основа на известување добиено од ЕВН.
Од ЕВН Македонија АД посочуваат дека поради планирани работи во електродистрибутивната мрежа на 16 март 2026 година (понеделник), прекини во снабдувањето со струја ќе има во неколку делови од градот.
Во периодот од 08:30 до 12:30 часот без електрична енергија ќе бидат корисниците на улицата 1506 во населбата Скупи, како и дел од улицата Никола Карев 9, во близина на реката Лепенец и објектот „Стоп Енд Го“ во општина Карпош.
Од 09:00 до 15:00 часот струја нема да имаат дел од жителите на улицата 31 во Волково, во општина Ѓорче Петров.
Според информациите од ЦУК, во периодот од 11:00 до 13:00 часот без електрична енергија ќе останат и дел од корисниците на улицата Ефтим Спространов во општина Кисела Вода.