Поради планирани технички зафати во дистрибутивната електромрежа, денес без електрична енергија ќе останат дел од корисниците во општините Кисела Вода, Сарај, Карпош, Гази Баба, Аеродром и Сопиште, информира Регионалниот центар за управување со кризи (РЦУК) – Скопје.
Од 08:00 до 12:00 часот без струја ќе бидат корисниците на улицата „Партизански Пат“ во Општина Кисела Вода.
Од 08:00 до 14:00 часот прекин во снабдувањето со електрична енергија ќе имаат корисниците во селата Рашче, Бојане и Копаница, како и Хлорната станица Рашче во Општина Сарај.
Од 09:00 до 09:30 часот без струја ќе останат корисниците на улицата „Иван Цанкар“ во Општина Карпош.
Од 09:00 до 12:30 часот без електрична енергија ќе бидат корисниците на улиците „1“ и „2“ во населбата Нова Хиподром во Општина Гази Баба.
Од 09:00 до 15:00 часот прекин во снабдувањето со електрична енергија ќе имаат корисниците на улицата „Владимир Комаров“ во Општина Аеродром.
Од 11:00 до 15:00 часот без струја ќе бидат корисниците на улицата „Ванчо Мицков“ во Општина Карпош.
Од 13:00 до 15:00 часот без електрична енергија ќе останат корисниците на улицата „1“, на потегот од Општина Сопиште кон Горно Соње.