Дел од жителите на општините Гази Баба и Илинден денеска ќе останат без електрична енергија поради планирани зафати и реконструкција на електродистрибутивната мрежа.
Според информациите од Регионалниот центар за управување со кризи (РЦУК) – Скопје, повикувајќи се на известувањето од „ЕВН Македонија“ АД, прекините ќе се одвиваат во неколку термини во текот на денот.
Во општина Гази Баба, од 8:00 до 14:30 часот, без струја ќе бидат дел од корисниците на улицата „Палмиро Тољати“ во населбата Синѓелиќ, поради интервенции во трансформаторската станица „Синѓелиќ 2“.
Дополнителни прекини се најавени и на улицата „Среќко Пужалка“. Поради реконструкција на нисконапонската мрежа, од 8:00 до 13:00 часот без електрична енергија ќе бидат корисниците од броевите 50 до 60, додека од 12:00 до 14:00 часот прекин ќе има за корисниците од броевите 30 до 35а.
Во општина Илинден, прекини во снабдувањето се најавени во населбата Јака/Марино. Од 9:00 до 13:00 часот без струја ќе бидат корисниците на улиците „2“, „3“ и „406“.
Исто така, од 9:30 до 13:30 часот прекин во снабдувањето со електрична енергија ќе има за жителите на улиците „510“ и „526“ во селото Марино.
Од РЦУК – Скопје информираат и дека од ЈП „Водовод и канализација“ нема добиено најава за планирани прекини во водоснабдувањето за утрешниот ден.