Српскиот претседател Александар Вучиќ изјави дека нема да замине од Србија доколку Српската напредна партија ги изгуби претстојните избори, кои според него би можеле да се одржат кон крајот на 2026 или почетокот на 2027 година.
Тој потенцираше дека не се плаши од изборен пораз од опозицијата.
„Ќе им честитам ако победат, но ќе им се смеам во лице – и од притвор, и од затвор, и од гроб“, изјави Вучиќ.
Реакцијата на Вучиќ следува по бранот протести предводени од студенти и дел од опозицијата, кои бараат предвремено гласање и обвинуваат за институционална слабост и корупција.
И покрај тоа што најави помла состав на изборната листа на СНС, тој призна дека власта мора да има слух за критиките на незадоволните граѓани.