Трамп во објава на својата социјална мрежа порача дека, доколку републиканците ги задржат контролата врз Претставничкиот дом и Сенатот по среднорочните избори, секој полнолетен американски државјанин ќе добие по 5.000 долари.
„Ако републиканците победат во Претставничкиот дом и Сенатот на среднорочните избори во 2026 година, ќе им дадам на сите полнолетни граѓани на Соединетите Американски Држави по 5.000 долари. Ви благодарам за вниманието и со нетрпение очекувам да ги потпишам тие чекови!“, напиша Трамп на „Truth Social”.
Тој исплатата ја нарекува „Трампова дивиденда“, а како извор на средствата ги посочува приходите од царините и економскиот раст.
Според проценките, ваквата мерка би чинела повеќе од еден билион долари, а за нејзино спроведување би била потребна и одлука од Конгресот.