На Граничниот премин Богородица претпладнево се бележи зголемена фреквенција на возила, додека на останатите премини нема подолги задржувања.
Според информациите од Автомото сојузот на Македонија, состојбата на граничните премини е стабилна.
„На Граничниот премин Богородица, времето на чекање за излез од Македонија претпладнево е од 15 до 30 минути. На останатите граничните премини од македонска страна нема подолги задржувања за влез и излез од државата – информираат од АМСМ.“
Сообраќајот на државните патишта низ земјава се одвива непречено и по суви коловози, со зголемен интензитет на патните правци надвор од градските средини.
Од АМСМ упатуваат апел до сите возачи за дополнителна внимателност и почитување на сообраќајните правила, особено на делниците каде што има ризик од одрони.
„АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.“