Сообраќајот на државните патишта низ земјава утрово се одвива непречено и по суви коловози.
Според информациите од Авто-мото сојузот на Македонија (АМСМ), интензитетот на сообраќајот на патните правци надвор од градските средини е забележливо зголемен.
На граничниот премин Табановце за влез во државата и на Богородица за излез се бележи поголема фреквенција на возила, при што времето на чекање изнесува од околу 30 минути до еден час.
На останатите гранични премини од македонска страна нема подолги задржувања за влез и за излез од земјава.
Од АМСМ апелираат до возачите да ја приспособат брзината на движење кон условите на патот, строго да ја почитуваат сообраќајната сигнализација и внимателно да управуваат со возилата.
Посебно предупредување се упатува за патиштата кои минуваат низ котлини, речни долини и клисури, каде што постои постојана можност од појава на одрони.
Како специфични делници на кои е потребна зголемена внимателност се издвојуваат правците Катланово – Велес, Маврово – Дебар – Струга, Виница – Берово и Кочани – Делчево.