Кичевчанец возел без возачка и со истечени документи – возилото е одземено

Вчера во 21:20 часот на магистралниот пат Кичево-Гостивар, полициски службеници од ОВР Кичево од слобода го лишија В.С.(41) од Кичево.

При контрола во патниот сообраќај било сопрено патничко моторно возило „опел“ со кичевски регистарски ознаки, кое го управувал и притоа било констатирано дека тој немал положено возачки испит, а возилото било со измината важност на сообраќајните документи.

По насоки на јавен обвинител возилото е одземено и по целосно документирање на настанот против него ќе биде поднесена кривична пријава по член 297-а од Кривичниот законик – „безобѕирно управување моторно возило“.