Христијанските верници кои се придржуваат до грегоријанскиот календар денеска го празнуваат Божиќ, еден од најголемите празници со кој се слави раѓањето на Исус Христос. Празникот, кој е симбол на мирот и надежта, традиционално се прославува во кругот на семејството со заедничка молитва и празнични богослужби.
Според востановените обичаи, верниците рано наутро присуствуваат на свети миси, по што празникот продолжува со семеен ручек. Празничната атмосфера во домовите е надополнета со традиционално украсени елки под кои се оставаат подароци за најмладите, како и симболични фигури кои го претставуваат раѓањето во Витлеем.
„Исус се родил во штала во градот Витлеем пред повеќе од 2.000 години, опкружен со домашни животни, поради што верниците за Божиќ под елката поставуваат фигури на овци“, се потсетува во библиското предание за овој голем ден.